Take a fresh look at your lifestyle.

Trump në kufi me Meksiken, inspekton punimet për “murin”

Presidenti i SHBA-së Dunald Trump ka vizituar kufirin me Meksiken, ku ka inspektuar punimet për ndërtimin e “murit” me Meksiken, ku ka deklaruar se ndërtimi i murit do të vazhdoj.

Unë kurrë nuk kam ndryshuar mendim”, u tha Trump gazetarëve, ndërsa u nis të vizitonte kufirin SHBA-Meksikë. Trump vizitoi vendkalimin kufitar “Patrol Calexico” mes SHBA dhe Meksikës, e mori pjesë në një tryezë për emigracionin dhe sigurinë kufitare.

Ai po ashtu vizitoi një pjesë të barrierës së ngritur kohët e fundit, që administrata e tij e ka cilësuar si një segment të përfunduar të murit në kufi, të premtuar prej tij. Përcjell Top Channel!

“Kjo është vetëm një mbrojtëse prej betoni. Ne do të vazhdojmë të ndërtojmë edhe përtej saj. Duket shumë mirë e shumë më efikas sesa gardhi që ekzistonte më parë. Ne mund ta ndërtojmë këtë shpejt dhe është më pak i kushtueshëm. Pra është më i mirë, më i shpejtë dhe më pak i kushtueshëm”, tha Trump.

Sipas medieve amerikane, administrata nuk ka përfunduar asnjë seksion të ri të një pjesë të murit kufitar. Ai në “Calexico”, i cili ishte planifikuar që në vitit 2009 dhe përfundoi vitin e kaluar, është thjesht një zëvendësim i një gardhi të vjetër, që po shkatërrohej dhe që ishte ndërtuar disa dekada më parë.

Gardhi 9 metra i lartë mban një pllakë metalike me emrin e Trumpit, ku shkruhet se është seksioni i parë i murit të propozuar prej tij. Trump kishte kërcënuar për gati dy javë se do ta mbyllte kufirin, duke argumentuar se Meksika nuk po bënte sa duhet për të ndaluar emigrantët ilegalë dhe drogat e paligjshme të hynin në SHBA.

Por, presidenti u tërhoq nga këto kërcënime, pasi këshilltarët e tij dhe disa senatorë republikanë i kërkuan që ta bënte këtë, duke paralajmëruar se ato mund të kenë pasoja ekonomike shkatërrimtare.

/GazetaPremium