Take a fresh look at your lifestyle.

Dega e Ismet Beqirit, manipulon me votat e Arban Abrashit

Vetëm në një vendvotim në Prishtinë, kandidatit për deputet nga LDK-ja, Arban Abrashit iu kanë shtuar 29 vota gjatë rinumërimit që është duke u bërë.

Fillimisht Abrashi kishte pasur vetëm 7 vota, që e dëshmon edhe dokumenti, ndërsa me rinumërim i shtohen 29 vota. Ky vendvotim është në shkollën fillore “Zenel Hajdini”, shkollë kjo e cila është në lagjen “Kodra e Trimave”, lagje e cila për kryetar nga radhet e LDK-së ka Ismet Beqirin.

Burime të Ballkani.info bëjnë me dije se kjo ka ndodhur qëllimshëm për ta nxjerr Abrashin si jo të fuqishëm në Prishtinë, për të ardhur deri te eliminimi i tij nga kandidatura e mundshme për Prishtinë, ku Abrashi i vetëm kishte 42 mijë vota, 300 vota më pak se e gjithë Vetëvendosja.

Ballkani.info merr vesh se në shumë vendvotime Abrashit i janë ndryshuar votat nga ana e komisionerëve, me qëllim që disa kandidat të caktuar të dalin më të votuarit duke ndryshuar vullnetin e votuesve.

Në total Prishtina i ka 247 vendvotime, që i bie se nëse në çdo vendvotim i janë vjedhur nga 29 vota, numri i votave që i janë vjedhur Abrashit nga ana e komisionerëve shkon mbi 7 mijë.

Ndryshe Abrashi është ndër 10 deputetët më të votuar të LDK-së me afër 13 mijë vota, duke mos i llogaritur edhe ato që do të shtohen nga rinumërimi.

/GazetaPremium